Хөшигийн хөндийн нисэх онгоцны буудлын хурдны замыг нээлээ

2019-07-5 Мэдээ, мэдээлэл

Хөшгийн хөндийн нисэх онгоцны буудлын хурдны замыг нээлээ

Хөшгийн хөндийн нисэх онгоцны буудлын хурдны замыг нээлээ. Уг зам 32.5 метр зорчих хэсгийн өргөнтэй, хоёр урсгал, зургаан эгнээтэй. Мөн аваарын 10 гарц, 49 үер усны хоолойтой, хурдны зам тул автобусны зогсоол байхгүй, эргэлтийн цэггүй, гялбаанаас хамгаалсан хаалттай аж. Замын гүйцэтгэгч компаниар БНХАУ-ын Төмөр замын IV групп ажилласан юм. Энэ нь манай улсын анхны хурдны зам гэдгийг салбарын сайд онцлов. Замын нээлтэд Ерөнхий сайд У.Хүрэлсүх, БНХАУ-аас Монгол Усад суугаа Онц бөгөөд бүрэн эрхт элчин сайд Шин Хаймин оролцлоо. Элчин сайд шинэ зам хоёр улс дипломат харилцаа тогтоосны 70 жилийн ойгоор нээгдэж байгааг билэгшээгээд энэ зам нийслэлийн өрсөлдөх чадварыг нэмэгдүүлнэ гэж найдаж байгаагаа илэрхийлсэн юм.

Улаанбаатар хотын Олон улсын нисэх онгоцны шинэ буудлын цогцолборыг Японы хөнгөлттэй зээл барьж буй. Төслийн нийт өртөг 36.9 тэрбум иен. Харин авто замын төслийг БНХАУ-ын зээлээр бүтээж буй.

© 2017 newsmedia.mn. Бүх эрх хуулиар хамгаалагдсан.