Сэрэмжлүүлэг: Гэр шатаж, 37 настай эрэгтэй галд өртөж нас баржээ

Дархан-Уул аймгийн Дархан сумын нэгдүгээр багт гэр шатаж байна гэсэн дуудлага хоёрдугаар сарын 03-ны өдрийн 23:35 цагт холбогдох байгууллагад иржээ.

Дуудлагын дагуу тус аймгийн Онцгой байдлын газрын 54 дүгээр ангийн алба хаагчдыг очиход иргэн Б-гийн 5 ханатай гэр бүрэн шатаж байсныг албан хаагчид ажиллаж унтраасан байна. Гал түймэрт Б /37 настай, эрэгтэй/ өртөж нас барсан байсан тул цогцсыг аймгийн Цагдаагийн газарт шилжүүлэн өгсөн талаар ОБЕГ-аас мэдээллээ.