Улаанбаатар хотод газар хөдлөлтийн долоон хагарал байна

 

Сүүлийн 10 жилд нийслэлд 12 мянга гаруй удаа газар хөдөлснөөс 3.5 магнитудаас дээш хүчтэй нь 68 удаа бүртгэгджээ. Улаанбаатар хотод газар хөдлөлтийн долоон хагарал байна.

Нийслэлийн Онцгой байдлын газрын дарга А.Дашням нийслэлийн удирдах ажилтнуудын шуурхай зөвлөгөөний үеэр танилцуулахдаа “Энэ оны дөрөвдүгээр сарын байдлаар Улаанбаатар болон хот орчмын бүс нутагт 404 удаа газар хөдөлсөн. Үүнээс нэг магнитудын хүчтэй газар хөдлөлт 234 удаа, 1-1.9 магнитудын хүчтэй нь 148 удаа, 2-2.9 магнитудын газар хөдлөлт 18, гурваас дээш магнитудын газар хөдлөлт дөрвөн удаа болсон” гээд газар хөдлөлтийн идэвхжил сүүлийн жилүүдэд нэмэгдэж байгааг дурдсан юм.