ЦЕГ: Ноорог.мн сайтын залуусын хэвлэн нийтлэхтэй холбоотой ажилд гүйцэтгэх ажиллагаа явуулаагүй

ЦЕГ-аас Ноорог.мн сайтад гүйцэтгэх ажиллагаа явуулсан гэх үйл явцтай холбогдуулан мэдээлэл хийлээ. Мэдээллийг тус газрын Кибер гэмт хэрэгтэй тэмцэх газрын дарга, дэд хурандаа С.Тайван, ЦЕГ-ын Хэвлэл мэдээлэл, олон нийттэй харилцах хэлтсийн даргаар Дэд хурандаа Г.Пүрэвдэлгэр нар хийлээ.

ЦЕГ-ын Хэвлэл мэдээлэл, олон нийттэй харилцах хэлтсийн даргаар Дэд хурандаа Г.Пүрэвдэлгэр “Ноорог.мн залуусын хэвлэн нийтлэхтэй холбоотой ажиллагаанд Цагдаагийн байгууллагаас гүйцэтгэх ажиллагаа явуулаагүй. Урьдчилсан байдлаар хувь хүний нууцад халдах, задруулах болон цахим мөрийтэй тоглоом зохион байгуулах гэмт хэргийн сэжүүр байсан учраас найман иргэнийг дуудан ирүүлж, мэдүүлэг авсан” гэв.