Зорчигч тээвэрлэж явсан автобус шатжээ

Зорчигч тээвэрлэн, нийтийн тээврийн үйлчилгээнд явж байсан автобус өнөөдөр /2023.06.08/ шатсан байна.

Тодруулбал, холбогдох албанд Баянзүрх дүүргийн 12 дугаар хороо “Амгалан” авто оношлогооны замын голд автобус шатаж байна” гэх дуудлага иржээ. Дуудлага мэдээллийг 10.20 цагт хүлээн авч Гал түймэр унтраах, аврах 63 дугаар ангийн бүрэлдэхүүнийг очиход автобусны хойд моторын хэсэг шатаж байсныг унтраасан байна. Тухайн үед ямар нэгэн хүн бэртэж гэмтээгүй гэсэн мэдээллийг өглөө.