Өнөөдөр Сүхбаатарын талбайн баруун хойд уулзварын хөдөлгөөнийг 11:30-13:00 цагийн хооронд хаана

“Чингис хаан” музейн нээлт өнөөдөр /2022.10.11/ болохтой холбоотойгоор 11:30-13:00 цагийн хооронд Сүхбаатарын талбайн баруун хойд уулзварын хөдөлгөөнийг хаана хэмээн ТЦА мэдээлэв.

Тиймээс энэ үеэр бусад замыг сонгон хөдөлгөөнд оролцохыг зөвлөлөө. Тодруулбал, төрийн ордны баруун талд байрлах шинэ музейн орчмын уулзварын хөдөлгөөнийг хаах нь. Музейн нээлтэд төр засгийн удирдлагууд оролцох бөгөөд есөн хөлт цагаан тугийг түр залах юм байна.