Ковидтой холбоотой асуудлаар 119 руу залгаарай

Иргэдэд аль болох чирэгдэлгүй байх, мэдээллийг ил тод, хүртээмжтэй хүргэх зорилгоор Мэдээллийн нэгдсэн лавлах 119 тусгай утас ажиллуулж эхлээд байна. Энэ утсаар иргэд ковидтой холбогдолтой асуудлаар зөвлөгөө, мэдээлэл авах, санал, гомдол, хүсэлтээ илэрхийлэх юм.

Ингэснээр иргэдээс ирүүлж байгаа гомдол, саналыг хүлээн авах, цахим эмчилгээ, зөвлөгөө өгөх, вакцинжуулалт, тусгаарлалт, тусгай үүргийн нислэг, халдваргүйтгэлтэй холбоотой мэдээллийг 24 цагийн турш, цаг алдалгүй шуурхай хүргэх боломж бүрдэж байна.