83 настай иргэний цогцсыг Сонгинохайрхан дүүргээс олжээ

Гэрээсээ гараад сураггүй болсон өндөр настны цогцсыг Сонгинохайрхан дүүргийн нутаг дэвсгэрээс олжээ.

Өнгөрөгч сарын 15-ны өдөр гэрээсээ гараад сураггүй болсон 83 настай Д-гийн цогцсыг өчигдөр буюу нэгдүгээр сарын 2-ны орой олсон байна. Талийгаачийн ар гэр, цагдаагийн байгууллагынхан энэ хугацаанд түүнийг хайсаар байсан боловч сураг гаралгүй 18 хоносон  юм.

Талийгаачийн цогцсыг жүжигчин Д-ны автомашинаас олсныг эх сурвалж хэлсэн байна. Харин  жүжигчин Д машинаа онгорхой орхисон байсан гэдэг гэрчийн мэдүүлэг өгөөд байгаа аж.

Уг хэргийн Сонгинохайрхан дүүргийн Цагдаагийн III хэлтэст шалгаж байна.