Улс орон даяар өнөөдөр жилийн эцсийн мал тооллогын ажил эхэллээ

Мал тооллого энэ сарын 17-ныг хүртэл үргэлжилнэ. Жил бүрийн энэ сард Үндэсний статистикийн хорооноос мал тооллогыг зохион байгуулдаг.

Манай улс өнгөрсөн 2017 онд 66.2 сая толгой мал тоолуулж байсан бөгөөд хавар нь 18 сая орчим төл хүлээн авснаар мал сүргийн тоо 80 сая давсан. Гэхдээ жил бүрийн өвөл хүнсний зориулалтаар 10 сая гаруй мал бэлтгэдэг тул оны эцсийн тооллогоор хэчнээн тооны малтай байна вэ гэдэг нь тодорхой болно.

Мал тооллогын үеэр малчдыг гэртээ байж, мал тооллогын ажилд идэвхтэй оролцохыг холбогдох байгууллагуудаас анхааруулж байна.