Дулаан үйлдвэрлэгчидтэй уулзалт, хэлэлцүүлэг зохион байгуулав

2018-07-2 Мэдээ, мэдээлэл

Булган аймгийн Мэргэжлийн хяналтын газраас “Бүтээгдэхүүн, ажил үйлчилгээний чанар, аюулгүй байдал” сэдэвт сарын аяны хүрээнд аймгийн Эрчим хүчний зохицуулах зөвлөлтэй хамтран Дулаан үйлдвэрлэх, түгээх, зохицуулалттай хангах тусгай зөвшөөрөл эзэмшигчидтэй уулзалт, хэлэлцүүлэг зохион байгууллаа. Уулзалтын үеэр хяналт шалгалтаар илэрч байгаа зөрчил дутагдал, цаашид анхаарах асуудал, хөдөлмөр хамгаалал, аюулгүй ажиллагаа, галын аюулгүй байдал, “Эрчим хүчний хэмнэлтийн тухай” хуулийн талаар мэдээлэл өгч, тулгамдаж байгаа асуудлууд, санал хүсэлтийг нь сонсжээ.

Мөн 2018-2019 оны өвөлжилтийн бэлтгэл ажлыг графикт хугацаанд чанартай хийж гүйцэтгэх, аюулгүйн сэлбэг, материалын нөөцийг бүрдүүлэх, Улсын ерөнхий байцаагчийн албан даалгавар, улсын байцаагчийн зөвлөмжийг хэрэгжүүлж ажиллах үүрэг өглөө.

© 2017 newsmedia.mn. Бүх эрх хуулиар хамгаалагдсан.