Сумын цолтой болон залуу бөхчүүдийн гуравдугаар сарын ээлжит барилдаан өнгөрсөн бямба гарагт Монгол бөхийн өргөөнд боллоо. Барилдаанд 448 бөх уран мэх, авхаалж самбаа сорин өрсөлдсөнөөс Хөвсгөл аймгийн Жаргалант сумын харьяат, сумын заан Г.Батсүх анх удаа түрүүлж, Говь-Алтай аймгийн Дарви сумын харьяат, “Электрик ком” ХХК-ны бөх, сумын заан Х.Дарамзагд үзүүрлэлээ.