Баянзүрх дүүргийн хогийн цэгээс шуудайнд хийсэн эмэгтэй хүний цогцос олджээ

 

Баянзүрх дүүргийн 14 дүгээр хорооны нутаг дэвсгэрт байрлах хогийн цэгээс шуудайнд хийсэн эмэгтэй хүний цогцос олджээ. Эл хэргийн тухай дуудлага энэ сарын 14-ний 15:14 цагт цагдаагийн байгууллагад ирсэн байна.

Тодруулбал, урьдчилсан байдлаар 40 орчим насны эмэгтэй болох нь тогтоогдсон аж. Одоогийн байдлаар тус цогцос шуудайнд хэр удсаныг тогтоохоор ажиллаж байгаа гэдгийг холбогдох албаныхан хэллээ. Тус хэргийг одоо Баянзүрх дүүргийн цагдаагийн газар шалгаж байгаа юм.