“Шахмал түлш зарна, хүргэж өгнө” хэмээн иргэдийг залилж байгааг анхаарууллаа

Олон нийтийн сүлжээнд “шахмал түлш зарна, хүргэж өгнө” гэсэн хуурамч зар байршуулж, иргэд рүү утсаар залган залилах тохиолдол гарсаар байгааг Цагдаагийн ерөнхий газраас анхаарууллаа. Тодруулбал, залилагчид иргэд рүү хүргэлт хийх нэрээр үнийн дүнгийн 50 хувийг урьдчилан авч, залилж байгаа аж.

Иймд, баталгаагүй зар, утасны дуудлагад итгэж урьдчилгаа мөнгө шилжүүлэхгүй байх,

Шахмал түлшээ албан ёсны борлуулалтын цэгээс Хотула аппликэйшн болон иргэний үнэмлэхээ биетээр уншуулж худалдаж авахыг зөвлөлөө.