Энэтхэг рүү 25 кг алт нууцаар оруулахыг завдсан Жамил Ахтер баригджээ

Тэрбээр тэргэнцэртэй болж жүжиглэн гуяндаа 25 кг алт нуусан байсныг Бангладешийн нисэх онгоцны буудлын ажилтнууд саатуулжээ. Жамил Ахтер гэгч  нь энэ он гарснаас хойш 13 удаа гадаа улс орнууд руу явсан гэх бүртгэлийг гаалийн албаныхан хараад сэжиг авсан байна. Ингээд шалгалт хийхэд тэрбээр хоёр гуяндаа 1.5 сая доллароор үнэлэгдэх алт нууж, Энэтхэг рүү гаргах гэж байжээ.

2017 он гарснаас хойш Бангладешт ийм их хэмжээний алт хураан авсан анхны тохиолдол гэнэ. Алтны хэрэглээгээрээ дэлхийд тэргүүлдэг Энэтхэг улс алтны импортод өндөр татвар ногдуулдаг учир тус улс руу алт хууль бусаар хил нэвтрүүлэх нь элбэг байдаг аж.

Г.Пүрэвсүрэн