Улаанбаатараас Говь-Алтай чиглэлд зорчиж явсан “УАЗ-фургон 220695” загварын автомашин шатжээ

Баянхонгор аймгийн Баян-Овоо сумын Мандал хайрхан багийн “Хүйтний хөндий” гэдэг газар суудлын автомашин шатаж байна гэсэн дуудлагыг энэ сарын 8-ны өдрийн 10:26 цагт Онцгой байдлын албанд мэдэгджээ.

Тус аймгийн Онцгой байдлын газрын Гал түймэр унтраах, аврах 16 дугаар ангийн алба хаагчид 60 км зам туулан очиход Улаанбаатар хотоос Говь-Алтай аймгийн чиглэлд зорчиж явсан иргэн Д-ын “УАЗ-фургон 220695” загварын автомашин бүрэн шатсан байжээ.