НИЙСЛЭЛ энэ оны ШИЛДЭГ ХҮҮХДЭЭ тодрууллаа 

2021-12-20 Боловсрол


Нийслэлийн Гэр бүл, хүүхэд, залуучуудын хөгжлийн газраас жил бүр “Нийслэлийн шилдэг хүүхэд” шалгаруулах арга хэмжээг уламжлал болгон зохион байгуулж ирсэн. Энэ жилийн хувьд Ковид-19 цар тахлын үеийн нөхцөл байдлын үед өөрийн мэдлэг, авьяас чадвар, хичээл зүтгэлээрээ бүтээлч шинэлэг санал санаачилга өрнүүлэн, урлаг, спортын төрлөөр анги хамт олноо манлайлан суралцаж байгаа хүүхдүүдийг “Нийслэлийн шилдэг хүүхэд”-ээр шалгаруулан, тэдэнд урам зориг, эрч хүч өгч, хүүхэд багачуудад үлгэр дуурайлал үзүүлэн, олон нийтэд алдаршуулах зорилготойгоороо тус арга хэмжээ нь онцлогтойгоор зохион байгуулагдлаа.

Тус арга хэмжээгээр:
“Нийслэлийн шилдгийн шилдэг хүүхэд” – Мөнгөнцоожын Бэхбат /Багануур дүүргийн Боловсрол цогцолбор сургуулийн 10-1 анги/
“Нийслэлийн шилдгийн шилдэг хүүхэд” – Отгонбаярын Нандин /Монгол улсын Консерваторийн Ерөнхий боловсролын сургуулийн 7-а анги/
“Нийслэлийн шилдгийн шилдэг хүүхэд” – Энхтөрийн эрхэс /“Орчлон” сургуулийн 8-в анги/
“Нийслэлийн шилдэг хүүхэд” – Ганхөлөгийн Цасанболор /Багахангай дүүргийн Хангай” цогцолбор, 12-а анги/
“Нийслэлийн шилдэг хүүхэд” – Баярсайханы Энхжин /Налайх дүүргийн Лаборатори 119 дүгээр сургуулийн 12-3 бүлэг/
“Нийслэлийн шилдэг хүүхэд” – Эрхбатын Эрххулан /Нийслэлийн 51 дүгээр сургуулийн 12-б анги/
“Нийслэлийн шилдэг хүүхэд” – Ням-Очирын Бадармаа /Нийслэлийн Лаборатори 23 дугаар сургууль, 11-а анги/
“Нийслэлийн шилдэг хүүхэд” – Эрдэнэцогтын Өдөр /“Бритиш” сургууль, 9-у бүлэг/
“Нийслэлийн шилдэг хүүхэд” – Заминдийн Мөнх-эрдэнэ /Нийслэлийн Лаборатори 151 дүгээр сургууль, 5-а анги/- ийн сурагчид тус тус шилдгээр тодорлоо.
Эдгээр хүүхдүүд нь сургууль хамт олон, олон нийтийн дунд нэр хүндтэй, бусдад үлгэр дуурайл болохуйц авьяас билэг, авхаалж самбаа, хичээл зүтгэл, оюун ухаан, сайн дурын болон хүүхдийн өөрөө удирдлагын байгууллагын үйл ажиллагаанд бусдыг манлайлан оролцож, цар тахлын үеийн нөхцөл байдлын үед хичээл зүтгэл гарган амжилтаа ахиулсан тэргүүний манлайлагч хүүхдүүд юм.

<

Өнөөдрийн онч үг

11 цагийн өмнө

© 2022 newsmedia.mn. Бүх эрх хуулиар хамгаалагдсан.