Мөст суманд 349 мал шүлхий өвчнөөр өвчилжээ

Ховд аймгийн Мөст сумын Баянхайрхан багт малын гоц халдварт шүлхий өвчин бүртгэгдсэн. Тэгвэл өнөөдрийн байдлаар нийт 349 тоо толгой мал шүлхийгээр өвчилж, нэг бог хорогдоод байгаа аж. Шүлхий өвчин дэгдсэнтэй холбогдуулан тус багт хөл хорио тогтоож, аравдугаар сар хүртэл хязгаар тогтоожээ. Өнөөдрийн байдлаар манай улсад шүлхий өвчний вакцин байхгүй тул ирэх сараас вакцинаа татаж авмагц вакцинжуулах ажлыг эхлүүлэхээр төлөвлөжээ.