АН тоонотдоо жийлцэж, хоёр тал бололцон тус тусдаа намын даргын сунгаа явуулж байна. Энэ удаагийн намын дотоод сонгуульд Ц.Туваан ба С.Эрдэнийн угшилтай нэр дэвшигчид өрсөлдөж буй юм. Харин хоёр талын намын даргаа сонгох өдөр нь нэг буюу гуравдугаар сарын 28-ны өдөр нийт гишүүд дундаасаа тодруулна. Гэхдээ энд нэг ойлгомжгүй асуудал үүсэж байгаа нь хоёр талын ялагчийн хэнийг нь АН-ын албан ёсны дарга гэж үзэн Улсын дээд шүүх бүртгэх бол. Зүй нь АН-ын даргын түр орлон гүйцэтгэгч хийж байсан Ц.Туваан  Ардчилсан намын Х дугаар Их хурлыг хуралдуулж намын дүрмээ өөрчилсөн хэдий ч  уг дүрмийн өөрчлөлтийг нь Улсын дээд шүүх бүртгэхээс татгалзсан байдаг. Ингэхдээ АН-ын X их хурлаас гарсан Үндсэн дүрмийн өөрчлөлтийн төсөл, холбогдох бичиг баримтыг процессын дагуу явагдаагүй, дүрмийн бус гэж Улсын Дээд шүүх үзэж байв. Тиймээс л эл намын ирээдүйн хувь заяа бүрхэг. Хэзээ хэл амаа ололцож, намын бүх гишүүд хүлээн зөвшөөрсөн даргатай болох нь Ерөнхийлөгчийн сонгуулийн өмнөх тэр л агшин буй за.

Дашрамд дуулгахад, Ц.Тувааны талын зарласан АН-ын даргын сонгуульд Д.Пүрэвдаваа, О.Цогтгэрэл, О.Амартүвшин, С.Эрдэнэболд нар өрсөлдөж байгаа бөгөөд нэр дэвшигчид гуравдугаар сарын 12-нд албан ёсоор сонгуулийн сурталчилгаагаа эхлүүлж  гишүүд, дэмжигчиддээ мөрийн хөтөлбөр, бодлогоо цахимаар танилцуулж байгаа.