ӨМӨЗО-ноос Хүбэй рүү эмчилгээний зургаа дахь баг мордов

COVID-19 халдвар дэгдсэн голомт болох Үхань хотын өвчин халдварын эсрэг ажилд туслахаар ӨМӨЗО-ноос ахуйн хэрэглээний эд материал илгээн, эмчилгээний баг томилсоор байна. Энэ сарын 16-нд Хүбэй мужийн COVID-19 халдварын эсрэг ажлыг дэмжин туслах эмчилгээний зургаа дахь багийн 110 эмч сувилагч ӨМӨЗО-ны “Цагаан суварга” нисэх буудлаас морджээ. Тус багийг ӨМӨЗО-ны COVID-19 халдварын эсрэг тэмцэх ажлын хэсэг яаралтай зохион байгуулсан аж. Өнөөдрийг хүртэл ӨМӨЗО нийт 500 орчим эмч ажилтнаа Хүбэй мужийн COVID-19 халдварын эсрэг ажилд томилон оролцуулж байна.