Тайваньд монгол залуу амиа алджээ

Тайвань улсад монгол залуу амиа алдсан харамсалтай хэрэг энэ сарын 17-ны өдөр гарсан байна. Талийгаач О нь 28 настай бөгөөд тухайн үед хоёр найзынхаа хамтаар аялаж байжээ. Улмаар тус улсын Тайчун хотын Тайпин дүүрэгт байрлах хүрхрээнд живж амиа алдсан байна. О нь Увс аймгийн харъяат бөгөөд ар гэрийнхэн нь Улаанбаатарт ирж, Тайвань руу явах бичиг баримтаа хөөцөлдөж байгаа ч гадаад паспорт авах, онгоцны тийз захиалах зэрэгт багагүй хугацаа алдсан ажээ.