ЭМЯ: Сүүлийн хоногт халдварын 1920 тохиолдол бүртгэгдэж, 15 хүн эндлээ

Сүүлийн 24 цагийн хугацаанд коронавируст халдварын 1920 тохиолдол бүртгэгдлээ. Эдгээр тохиолдлуудын 1053 нь нийслэлд, 867 нь орон нутагт бүртгэгджээ. Харин 21-80 насны 15 хүн өвчний хүндрэлээр эндсэн байна. Ингэснээр нийт нас баралт 1424 боллоо.

Энэ хугацаанд Дундговь, Өвөрхангай аймгуудад халдвар бүртгэгдээгүй бол Төв аймагт хамгийн олон буюу 137 тохиолдол бүртгэгджээ. Сүүлийн 24 цагийн хугацаанд 6085 хүн эмчлэгдэж эмнэлгийн болон гэрийн ажиглалтаас гарчээ. Харин 19 574 хүн эмнэлэгт хэвтэн эмчлүүлж байгаа бол 56 069 хүн өрхийн эмчийн хяналтад гэрээр эмчлүүлж байна.