Элсэлтийн ерөнхий шалгалтын бүртгэл өнөөдөр эхэлнэ

 

Элсэлтийн ерөнхий шалгалтын бүртгэл өнөөдөр  09:00 цагаас орон даяар эхэлнэ.

Өнгөрсөн оноос эхлэн бүртгүүлэгчид цахимаар шалгалт өгөх хичээлээ сонгон бүртгүүлдэг болсон. Тэгвэл энэ жил ч мөн адил онлайнаар бүртгэх бөгөөд бүртгэл, шалгалттай холбоотойгоор журамд бага зэрэг өөрчлөлт орсон байна.

ЭЕШ-ын бүртгэл ирэх дөрөвдүгээр сарын 16-ны 18:00 цаг хүртэл үргэлжилнэ. Өнгөрсөн жилийн төгсөгчид дахин ЭЕШ-ын шалгалт өгөх бол энэ жилийн  бүртгэлд  хамаарах юм байна.

2017-2018 оны хичээлийн жилд их, дээд сургуульд элсэн суралцахаар 40388 шалгуулагч бүртгүүлж  орон нутагт 22, нийслэлд 27 байранд шалгалтаа өгсөн юм.