ХСҮТ: Өнгөрөгч онд хорт хавдрын 6885 тохиолдол шинээр бүртгэгдсэн

Хавдар Судлалын Үндэсний Төвийн мэдээллээр улсын хэмжээнд 2022 онд хорт хавдрын 6885 тохиолдол шинээр бүртгэгджээ.

Үүнээс элэгний хорт хавдар 33.2 хувь, ходоодны хорт хавдар 17.2 хувь, уушги гуурсан хоолойн хорт хавдар 7.6 хувь, улаан хоолой 5 хувь, умайн хүзүүний хорт хавдар 4.6 хувийг эзэлж байна.

Элэгний хорт хавдрын өвчлөлийн түвшин аль ч хүйсэд хамгийн өндөр буюу 100 мянган эрэгтэй хүн амд 77.6 тохиолдол, эмэгтэй хүн амд 59.5 тохиолдол бүртгэгдэж байна.
Монгол Улсад 2022 оны байдлаар хорт хавдрын өвчлөлийн улмаас 26 347 хүн хяналтад байгаагаас 525 нь 0-19 насныхан байгаа талаар ХСҮТ мэдээллээ.