Өнөөдөр дэлхийн “цистит” буюу давсагны үрэвсэлтэй тэмцэх өдөр тохиож байна

Эмэгтэйчүүдийн цистит нь эмэгтэй хүний анатомийн бүтэцтэй холбоотойгоор эрэгтэй хүнээс илүү тохиолддог эмгэг юм. Эмэгтэйн шээсний сүв үтрээний амсар, бэлгийн уруулын дотор талд байдаг, шээсний суваг богино байдаг зэргээс болж өгсөх замын халдварт илүү өртөмтгий байдаг. Бөөр шээсний зам, давсагны үрэвслийг эмчлэхийн урьд эмэгтэйчүүдийн эрхтэн тогтолцооны үрэвслийг эмчлэх зайлшгүй шаардлагатай байдаг нь дээрх шалтгаанаас үүдэлтэй. Тиймээс архаг буюу олон дахилттай цистит болоод байгаа нь эмэгтэйчүүдийн үрэвслийн шалтгаантай юм биш биз!?
Цистит нь нянгийн гаралтай шээс дамжуулах замын үрэвсэл юм. Уг үрэвсэл ихэвчлэн төрөх насны эмэгтэйчүүдэд тохиолддог байна.

Шинж тэмдэг:
-Шээс ойр ойрxон xүрч бага гараx
-Xэвлийн доод xэсэг, давсаг орчим болон шээсний сүвээр шарxирч өвдөx
-Шээсний дараа давсагт шээс үлдсэн юм шиг санагдаж xий дүлүүлэx
-Шээс эвгүй үнэртэй булингартай цустай гарах
-Шээж дуусаx үед ба шээсний дараа цус гараx
-Бие тавгүйрэx, бага зэрэг xалуураx

Шалтгаан:
-Цистит үүсэхэд хүргэдэг олон шалтгаан бий. Үүнд:
-Цаг тухайд нь илрүүлэн зохих ёсоор нь эмчлээгүй БЗХӨ
-Хүний өөрийн бактери, далд өвчин үүсгэгчид
-Хорхойтсон шүд
-Бөөрний архаг үрэвсэл
-Гүйлсэн булчирхайн үрэвсэл
-Үтрээ болон гэдэсний бактергүйжил
-Хурц хоол, гэмтэл
-Бэлэг эрхтний ариун цэврийг сахихгүй байх
-Дархлаа сулрах, суугаа ажил, удамшлын өвчин г.м.

Урьдчилан сэргийлэx:
-Доороосоо даарахгүй байх
-Бэлгийн xарьцааны дараа шээж байx
-Шээсний сүвний амсар орчмыг цочроож болзошгүй эм, xэрэглэл, үнэртэн зэргийг шүршиx, түрxэx маягаар xэрэглэxээс аль болоx зайлсxийx
-Шээсээ албадан удаан бариxгүйгээр xүрсэн үед нь шээж байx
-Өдөрт дунджаар 2 литр орчим шингэн ууж байx
-Ариун цэврийн xэрэглэлээ ойр ойрxон сольж байx
-Цангис жимсний /кранберри/ шүүс ууж байх.

Хэрэв циститийн шинж тэмдэг илэрч эхэлбэл шингэн зүйл ихээр уух. Энэ нь нянг шээсээр дамжуулан гадагшлуулах болно.

Цангис, аньс жимсний шүүс уух. Болж өгвөл байгалийн шууд жимсээр нь чихэргүй шүүс хийж уух. Үүнээс маш их С аминдэм авна. Нянгийн өсөлтийг багасгана.

Давсаг юм уу хоёр хөлийнхөө завсар халуун бүлээн жин тавих. Энэ нь өвдөлтийг намдаана.
Хэрвээ антибиотик хэрэглэж байгаа бол эмээ заавал уустал уух. Олон удаагийн давталттай үед бага тунгаар антибиотикийг 6 сар хүртэл ууж байж үрэвсэл бүр мөсөн намдана.

Унтаж амрах. Ямар ч өвчний үед хангалттай унтаж амрах нь хамгийн сайн эм болдог. Сайн унтаж амарснаар бие хурдан тэнхэрдэг.

Халуун усан банн. Энэ нь жин тавихтай төстэй. Бие амарч өвдөлт намдана. Шээс хүрэх бүрд шээж байх.

Жич:
Дээрх зөвлөгөөнд байгаа аль нэг зүйлээс харшилтай эсвэл хэт мэдрэг бол хэрэглэж болохгүйг анхаараарай.

Эмэгтэйчүүдийн их эмч: П.Алтангэрэл