Сүүлийн хоногт халдварын тохиолдол 497-оор нэмэгдэж, хоёр иргэн нас баржээ

Улсын хэмжээнд сүүлийн 24 цагт коронавируст халдварын 497 шинэ тохиолдол батлагдсаныг Эрүүл мэндийн яамнаас мэдээллээ.

Шинэ тохиолдлуудын 257 нь Улаанбаатар хотод, 240 нь орон нутагт бүртгэгдсэн байна. Мөн өнөөдрийн байдлаар халдварын улмаас 3,238 хүн эмнэлэгт хэвтэн эмчлүүлж байгаа бөгөөд биеийн байдлаар нь ангилбал хөнгөн 894, хүндэвтэр 2,039, хүнд 260, нэн хүнд 45 хүн байна.

Түүнчлэн 11,310 хүн гэрийн ажиглалтад байгаа аж. Харамсалтай нь сүүлийн хоногт архаг хууч өвчин болон КОВИД-19 хавсарсан шалтгаанаар хоёр иргэн нас баржээ.