ЭМЯ: 1196 шинэ тохиолдол батлагдаж, дөрвөн хүн нас баржээ

Эрүүл мэндийн яамнаас мэдээлснээр, улсын хэмжээнд сүүлийн 24 цагийн хугацаанд хийсэн шинжилгээгээр Covid-19 цар тахлын 1196 шинэ тохиолдол батлагджээ.

Батлагдсан тохиолдлын 640 нь Улаанбаатарт, 556 нь орон нутагт бүртгэгджээ. Орон нутагт хамгийн олон буюу 79 тохиолдол Өмнөговь аймагт батлагдсан байна.

Өнөөдрийн байдлаар 9857 хүн эмнэлэгт хэвтэн эмчлүүлж байгаагаас 828 хүний биеийн байдал хүнд байгаа бол маш хүнд оноштой 96 хүн байна. Гэрээр тусгаарлагдан эмчлүүлж буй халдвартай хүний тоо 49064 болжээ. Эмнэлэгт 9857 хүн хэвтэн эмчлүүлж байгаагаас 1935 хүүхэд, 1154 нь жирэмсэн эмэгтэй байна.

Цар тахлын улмаас нэг хоногт дөрвөн хүн нас барж, нийт нас баралт өнөөдрийн байдлаар 2040 хүн болов.