Хүүхдийн дэлгэцийн донтолтын талаар СЭМҮТ-ийн их эмч Ж.Гантулга мэдээлэл өглөө.
Цахим тоглоомд донтсон хүүхдийн 98-99 хувь нь эрэгтэй хүүхэд бол насны хувьд 5-8 дугаар ангийн сурагчид дийлэнх хувийг эзэлж байна. Дэлгэцийн донтолттой хүүхдийн тархинд хар тамхи хэрэглэсэн үед илэрдэг тархины бүтцийн эмгэг өөрчлөлт үүсдэг. Дараах хам шинж тэмдэг илэрч байвал СЭМҮТ-д хандан зөвлөгөө, мэдээлэл авах шаардлагатай.
Үүнд:
- Цахим тоглоомын талаар санаашрах
- Цахим тоглоомоос холдуулахад сэтгэл гутралын шинж тэмдэг илэрнэ
- Цахим тоглоомыг илүү удаан хугацаагаар тоглох дур үүсэх
- Цахим тоглоом тоглохгүй гэж бодсон ч чадахгүй байх
- Цахим тоглоомоос болж урьд нь сонирхдог байсан зүйлсээ сонирхох нь багасах
- Цахим тоглоомоос үүдэлтэй нийгэм сэтгэл зүйн асуудал үүсч байгааг мэдсээр байж тоглоомыг хэт их цагаар, удаан хугацаагаар тоглосоор байх
- Цахим тоглоом хэр их тоглодгоо нууж гэр бүл, багш, эмч болон бусад хүмүүст худлаа ярих
- Цахим тоглоомыг сэтгэл санааны таагүй байдлаас гарахын тулд тоглох
- Цахим тоглоом тоглосноос болж ажил, сургууль, албан тушаал дэвших боломж, гэр бүл, найз нөхөд зэрэг чухал харилцааг умартах
Эмчилгээ:
- Сэтгэл засал эмчилгээ 6 сар хүртэл хугацаанд үргэлжилнэ
- Ганцаарчилсан
- Бүлгийн
- Танин мэдэхүйн
- Эмийн эмчилгээ 14 хоногоос нэг сар хүртэл хугацаанд үргэлжилнэ
- Нойрсуулах, тайвшруулах
- Сэтгэл тогтворжуулах
- Витамин
- Хүүхдийг 10.00 цагаас өмнө унтуулж хэвшүүлснээр хүүхэд эрүүл чийрэг, тогтвортой болж өсөхөд тустай байдаг.
