ЭМЯ: 287 тохиолдол батлагдаж, найман хүн нас баржээ

Эрүүл мэндийн яамнаас Covid-19 цар тахлын нөхцөл байдлын талаарх хоногийн мэдээллийг хүргэж байна. Сүүлийн 24 цагийн хугацаанд улсын хэмжээнд коронавируст халдварын 287 тохиолдол бүртгэгджээ. Шинээр илэрсэн тохиолдлуудын 197 нь Улаанбаатар хотод, 90 нь орон нутагт батлагдсан байна.

Дашрамд дуулгахад, салбар яамнаас зөвхөн PCR шинжилгээгээр баталгаажсан тохиолдлын тоог мэдээлж буй.

Мөн хугацаанд коронавируст халдварын улмаас 41-80 насны найман хүн нас баржээ. Өнөөдрийн байдлаар халдварын улмаас нийт 1875 хүн эндээд байна.

Одоогоор коронавируст халдварын улмаас улсын хэмжээнд 8365 иргэн эмнэлэгт хэвтэн эмчлүүлж байгаа бол хөнгөн хэлбэрийн оноштой 16663 хүн өрхийн эмчийн хяналтад гэрээр эмчлүүлж байна.

Эмнэлэгт хэвтэн эмчлүүлж буй иргэдийн биеийн байдлыг үнэлбэл:

• Хөнгөн- 3185
• Хүндэвтэр- 3946
• Хүнд- 1047
• Маш хүнд- 187 хүн байна.