Ховд аймагт “Дельта” вирусийн 11 тохиолдол бүртгэгдлээ

Ховд аймгийн зэргэлдээ Баян-Өлгий аймагт дельта вирус бүртгэгдсэнтэй холбогдуулан тус аймагт энэ төрлийн вирус орж ирсэн эсэхийг илрүүлэх зорилгоор БОЭТ корона вирусийн халдвартай 50 иргэний сорьцыг энэ сарын 15-ны өдөр ХӨСҮТ-рүү явуулсан байна. Гэтэл эхний ээлжинд 20 сорьцоос шинжилгээ авахад 11-ээс нь дельта вирус илэрчээ. Харин үлдсэн 30 сорьцын хариу хүлээгдэж байгаа талаар холбогдох албаныхан мэдээллээ.