Хөвсгөл аймаг сум дундын хөдөлгөөнийг энэ сарын 20-н хүртэл хязгаарлав

Хөвсгөл аймгийн Онцгой комисс 12 дугаар хуралдаанаа өнөөдөр хийлээ.

Хуралдаанаар Хөвсгөл аймгийн хэмжээнд сум хоорондын зорчих хөдөлгөөнийг өнөөдрөөс 2021 оны гуравдугаар сарын 20-ны өдөр хүртэл хязгаарлахаар шийдвэрлэжээ.  Энэ долоо хоногийг дуустал аймгийн хэмжээнд цэцэрлэг, ЕБС-ийн үйл ажиллагааг түр зогсоох юм байна.
Тус аймгийн лабораторид хийсэн PCR шинжилгээгээр зургаан хүнээс коронавируст халдвар илэрсэн юм. Хариуг баталгаажуулахаар Орхон аймаг дахь Бүсийн оношилгооны төвд илгээсэн билээ. Эцсийн хариу өнөөдөртөө гарна.