Хүний эрхийн үндэсний комисс НЭМҮТ-ийн Удирдлагын зөвлөлтэй санал бодлоо солилцов

Монгол Улсын Хүний эрхийн үндэсний комиссоос энэ онд “КОВИД-19 ба хүний эрх” сэдвээр илтгэл боловсруулж байгаатай холбогдуулан өнөөдөр тус байгууллагын төлөөлөл НЭМҮТ дээр хүрэлцэн ирж, Удирдлагын зөвлөлийн гишүүдтэй уулзаж, дараах асуудлаар ярилцаж мэдээлэл солилцлоо.

НЭМҮТ-өөс КОВИД-19 цартахлын үед нийт хүн амын эрүүл мэндийг дэмжих, хамгаалах, урьдчилан сэргийлэх, хүн амд эрүүл мэндийн боловсрол олгох талаар хийгдсэн үйл ажиллагаа

Цартахлын үеийн бэлэн байдлын төлөвлөгөө, түүний хэрэгжилт

Коронавируст халдварын тандалтын үйл ажиллагаа

Шинээр нээгдэн ажиллаж буй Молекул, биологийн лабораторийн үйл ажиллагаа

КОВИД-19 халдварын үеийн байгууллагын эрсдэлийн үнэлгээ, түүний дагуу авч хэрэгжүүлсэн хариу арга хэмжээ

КОВИД-19-ын улмаас дайчлагдан ажиллаж буй хүний нөөц, хөдөлмөрлөх эрх, нөхцөл байдлын талаар (цалин, хангамж, урамшуулал, илүү цагийн хөлс)

119 тусгай дугаарын үйл ажиллагааны талаар, иргэдээс ирсэн нийтлэг санал, гомдол түүнийг шилжүүлсэн, уламжилсан байдал зэрэг асуудлаар ярилцаж мэдээлэл солилцлоо.

Мөн КОВИД-19 цартахлын нөхцөл байдлын үед НЭМҮТ-ийн ажилтан, алба хаагчид ажил үүргээ гүйцэтгэхэд тулгамдаж буй асуудлуудыг хөндөн хэлэлцсэн байна.