Цэргийн төв эмнэлэгт нэг иргэн коронавирусийн халдвараар бус зүрхний архаг хууч өвчнөөр нас барсан гэв

2021-01-19 Мэдээ мэдээлэл

Цэргийн төв эмнэлэгт нэг иргэн энэ сарын 16-нд нас баржээ. Гэхдээ энэ хүн коронавирусийн халдвараар бус зүрхний архаг хууч өвчнөөс болж нас барсан гэдгийг Эрүүл мэндийн яамны ахлах шинжээч Д.Нарангэрэл хэлэв. Тухайн иргэн Баянзүрх дүүрэгт хэвтэн эмчлүүлж байгаад Цэргийн төв эмнэлэгт хүргэгдэн эмчлэгдэж байжээ. Коронавирусийн халдвараар өвчилсөн байсан ч эдгэрсэн гэдгийг тэрбээр тодотгов. Улмаар тухайн хүнд гурван удаагийн давтан шинжилгээ хийсэн бөгөөд коронавирус илрээгүй аж.

Коронавирусийн халдварт өртсөн иргэд болон түүний ойрын хавьтлуудыг тусгаарлахад ямар нэгэн төлбөр хураамж авдаггүй. Тухайн тусгаарлалтад шаардлагатай хөрөнгийг төрөөс даах хуулийн зохицуулалттай аж.

<

Өнөөдрийн онч үг

12 цагийн өмнө

© 2021 newsmedia.mn. Бүх эрх хуулиар хамгаалагдсан.