А.Амбасэлмаа: Тээврийн жолоочийн ойрын хавьтлын нэг хүнээс коронавирус илэрлээ

Эрүүл мэндийн яам (ЭМЯ)-наас Covid-19 цар тахлын цаг үеийн асуудлаар өнөөдөр (2020.11.12) мэдээлэл хийж байна. Өчигдөр нийт 644 хүнд Covid-19-ийн шинжилгээ хийхэд 24 хүнээс халдвар илэрчээ.

Энэ удаад ХӨСҮТ-ийн Тандалт, судалгааны албаны дарга А.Амбасэлмаа өнгөрсөн хоногт хийгдсэн шинжилгээнүүдийн хариуг танилцууллаа.

Үүнд,

• Аравдугаар сарын 22-нд Алтанбулаг боомтоор орж ирсэн нэг хүний давтан шинжилгээ,
• Арвэннэгдүгээр сарын 10-нд мөн Алтанбулаг боомтоор орж ирсэн нэг жолоочийн шинжилгээ,
• Аравдугаар сарын 19-нд Сөүл-Улаанбаатарын нислэгээр ирсэн таван хүний давтан шинжилгээ,
• Аравдугаар сарын 20-нд Сөүл-Улаанбаатарын нислэгээр ирсэн найман хүний давтан шинжилгээ,
• Аравдугаар сарын 21-нд Дели-Улаанбаатарын нислэгээр ирсэн гурван хүний давтан шинжилгээ,
• Хяналтын зорилгоор хийсэн гурав, ингээд нийт 24 хүний шинжилгээнд халдвар илэрлээ.

Харин халдвартай иргэний дам хавьтал буюу хоёрдогч 171 хүний шинжилгээнд халдвар илрээгүй. Гэвч тээврийн жолоочийн ойрын хавьтал 73 хүний 48-д нь шинжилгээ хийхэд нэг хүнээс коронавирус илэрлээ” хэмээн тодрууллаа.

Дашрамд дуулгахад, халдвартай жолоочийн ойрын хавьтлын тандалт судалгаа, шинжилгээний ажил үргэлжилж байгаа аж. Одоогийн байдлаар халдвартай нь тогтоогдсон хүмүүсийн ойрын хавьтал 73 хүний 48-ынх нь шинжилгээний хариу гарлаа. Ингэхэд ойрын хавьтал нэг хүнээс халдвар илэрлээ. Ийнхүү Д-ын голомтот халдварын батлагдсан тохиолдол нийт тав болж байна.

https://www.facebook.com/www.mohs.mn/videos/363678164710817