Д.Нямхүү: Нэг хүнээс Covid-19 илэрч, батлагдсан тохиолдол 340 боллоо

Эрүүл мэндийн яамнаас шинэ төрлийн коронавируст халдварын нөхцөл байдлын талаарх ээлжит (2020.10.28) мэдээллээ өнөөдөр хийлээ.

Мэдээллийн эхэнд Халдварт өвчин судлалын үндэсний төвийн ерөнхий захирал Д.Нямхүү “2020.10.26-27-нд буюу сүүлийн 2 хоногт ХӨСҮТ, ЗӨСҮТ болон Сэлэнгэ аймаг дахь салбар лабораториудад 1233 хүнд шинжилгээ хийдээ. Үүнээс 1232 хүнд коронавирус илрээгүй. Харин 1 хүнээс коронавирус илэрсэн.

2020.10.22-нд Алтанбулагийн боомтоор орж ирсэн 1 хүний давтан шинжилгээнээс халдвар илэрлээ. Энэ нь 26 настай эрэгтэй хүн байна.

Бусад шинжилгээний тухайд:

– 2020.10.26-нд Будафейшт-Улаанбаатарын онгоцоор ирсэн 93 хүн

– 2020.10.15-нд Бээжин-Улаанбаатарын онгоцоор ирсэн 145 хүний давтан

– 202010.08-нд Сөүл-Улаанбаатарын онгоцоор ирсэн 264 хүний давтан

– 2020.10.08-нд Перт- Улаанбаатарын онгоцоор ирсэн 47 хүний давтан

– 2020.10.07-нд Өмнөд судан улсаас ирсэн 213 энхийг сахиулагч

– ХӨСҮТ-ийн тусгаарлах байранд тусгаарлагдсан 12 хүн

– Үүрэг гүйцэтгэсэн 67 эмч ажилтанд.

– Баян-Өлгий аймгийн Цагаан нуур боомтод хийгдсэн 24 шинжилгээ

– Алтанбулагийн боомтоор орж ирсэн 44 жолоочид шинжилгээ хийхэд халдвар илрээгүй.

Монгол Улсад батлагдсан тохиолдол 340 боллоо. Үүнээс 312 нь эдгэрсэн. ХӨСҮТ-д 28 хүн эмчлэгдэж байна. Үүнээс 20 хүний биеийн байдал хөнгөн, хүндэвтэр найман хүн байна” гэлээ.