ЭМЯ: Манай улсад Covid-19 халдварын батлагдсан тохиолдол 326 боллоо

Халдварт өвчин судлалын үндэсний төв (ХӨСҮТ)-ийн Вирус судлалын лаборатори, Дархан-Уул аймгийн вирус судлалын салбар лабораторид өчигдөр /2020.10.19/  нийт 956 сорьцод шинжилгээ хийхэд хоёр хүнээс коронавирус илэрсэн байна. Ингэснээр манай улсад Covid-19 халдварын нийт батлагдсан тохиолдол 326 боллоо.

Хамгийн сүүлийн мэдээллээр халдвар авсан иргэдээс 312 нь эдгээд байгаа юм. Мөн ХӨСҮТ-д одоогоор эмчлүүлж буй таван хүний бие хүндэвтэр бол есөн хүний бие хөнгөн байна гэлээ.