ЭМЯ: 382 сорьцонд шинжилгээ хийхэд коронавирус илрээгүй

Салбар яамнаас шинэ коронавирусийн тархалт дэлхийд болоод манай улсад ямар байгаа талаарх мэдээллийг хүргэж байна.

Дэлхий дахинд өнгөрсөн 24 цагийн хугацаанд 271.000 хүн шинээр халдвар авч, 4.000 гаруй хүн энджээ. Харин 259 мянган хүн эдгэрсэн байна.

Монгол Улсад ХӨСҮТ, ЗӨСҮТ, Дархан-Уул аймгийн вирус судлалын лабораторид 382 сорьцод шинжилгээ хийжээ. Бүгдэд нь коронавирус илрээгүй байна.

Одоогоор батлагдсан тохиолдол 315 байна. Үүнээс 308 хүн эдгэрчээ. ХӨСҮТ-д долоон хүн эмчлүүлж байгаа бөгөөд нэг хүний биеийн байдал хүндэвтэр байна.