Б.Батзориг УИХ-ын гишүүнийхээ бүрэн эрхээс түдгэлзэх хүсэлтээ гаргажээ

УИХ-ын гишүүн, ХХААХҮ-ийн сайд асан Б.Батзориг УИХ-ын гишүүнийхээ бүрэн эрхээс түдгэлзэх хүсэлтийг өчигдөр /2020.04.03/ УИХ-ын дарга Г.Занданшатарт өгсөн байна.

Хуульд зааснаар хүсэлтийг өргөн барьснаас хойш долоо хоногт багтаан Байнгын хороогоор, мөн дараагийн долоо хоногт нь УИХ-ын чуулганы нэгдсэн хуралдаанаар хэлэлцэн шийдвэрлэх ёстой юм. УИХ-ын хаврын чуулган дөрөвдүгээр сарын 6-нд эхэлнэ. Тиймээс Б.Батзориг гишүүний бүрэн эрхийг түдгэлзүүлэх хүсэлтийг ирэх долоо хоногт хэлэлцэж эхэлнэ гэсэн үг юм.