МЭХ: Улсын хэмжээнд 45329 амны хаалт оёж, ЭМЯ-нд 10 мянгыг хүлээлгэн өглөө

Өмнөд хөршид дэгдсэн шинэ коронавирус буюу COVID-19 вирус дэлхий нийтэд тахлын хэмжээнд хүрэх аюул тулгараад байна. Монгол Улсад одоогоор бүртгэгдээгүй ч халдвар тархах өндөр эрсдэлтэй орны тоонд багтаж буй. Иймд урьдчилан сэргийлэх арга хэмжээний хүрээнд Монголын эмэгтэйчүүдийн холбоо Улсын хэмжээнд 45329 маск оёж, ЭМЯ-нд 10.000 маск хүлээлгэн өглөө.

Дараах аймгууд орон нутгийнхаа эрүүл мэндийн газар болон аймгийн онцгой комисст хүлээлгэн өгчээ.

• МЭХ-ны төв ажлын алба 10,000
• Архангай аймаг 200
• Баян-өлгий аймаг 1,000
• Дархан-уул аймаг 4,000
• Дорноговь аймаг 2,000
• Дундговь аймаг 2,000
• Завхан аймаг  14,129
• Орхон аймаг 4,000
• Өмнөговь аймаг 500
• Сүхбаатар аймаг 1,000
• Төв аймаг 3,000
• Увс аймаг 500
• Хөвсгөл аймаг 2,000
• Хэнтий аймаг 1,000

Энэхүү амны хаалт нь элдэв харшил өгөхгүй, цэвэр даавуун материалаар хийсэн /хүүхдийн өлгийний даавуу/, амьсгалахад хүндрэл учруулахгүй, олон удаа угааж, индүүдэн хэрэглэх боломжтой.

Амны хаалт оёх аян бүх аймаг, суманд үргэлжилж байгаа бөгөөд энэ тоо цаашид өсөх хандлагатай байна.

Нийгмийн хариуцлагын хүрээнд, хайртай хүмүүс, эрүүл нийгмийн төлөө сайн дураараа маск оёх аянд нэгдэн сэтгэл зүрх, хөлс хүчээ зориулсан олон сайхан эмэгтэйчүүд, ээжүүд болон МЭХ-ны 21 аймаг, 9 дүүргийн эмэгтэйчүүдийн зөвлөлийн хамт олонд талархал илэрхийлье.

Мөн МЭХ-ноос санаачилсан 10.000 маск аяныг дэмжин, нийгмийн хариуцлагын хүрээнд олон ТББ маск оёж, нийтэд түгээж байгаад баяртай байна.

Илүү сайхан ирээдүйн төлөө иргэн бүрийн оролцоо чухал

Хариуцлагатай иргэн байж, аюулт тахлын эсрэг хүчээ нэгтгэцгээе.