Хувийн хамгаалах хэрэгслийг хүлээлгэн өглөө

Шинэ коронавирусийн  дэгдэлтийн үед эрүүл мэндийн ажилтны аюулгүй байдлыг хангах бээлий, амны хаалт, нүдний хамгаалалт, халат, спиртэн суурьтай гар халдваргүйжүүлэгч зэрэг хувийн хамгаалах хэрэгслийг өнөөдөр Дэлхийн Эрүүл Мэндийн Байгууллагаас Эрүүл мэндийн яаманд хүлээлгэн өглөө.

Эрүүл мэндийн яамны зүгээс эмнэлгийн байгууллагуудын бэлэн байдал, эрүүл мэндийн ажилтны аюулгүй байдлыг хангах чиглэлээр шуурхай арга хэмжээ аван ажиллаж буйг ДЭМБ-ын Монгол дахь Суурин төлөөлөгч Др Сергей Диордица сайшааж, мөн цаашид дэмжлэг үзүүлэн ажиллахаа илэрхийллээ.