Британийн найруулагч Бенжамин Жонс Монгол Улсын гавьяат эмч, хамба лам Д.Нацагдоржийн амьдрал, Монголын уламжлалт анагаах ухааны өв уламжлал, хөгжлийг харуулсан “The Medicine Buddha” баримтат кино хийжээ. Уг киноны Британи дахь нээлтийг өнгөрсөн тавдугаар сарын 31-нд Лондон хотын “Regent” кино театрт зохион байгуулсан байна.
Хамба лам Д.Нацагдорж киноныхоо нээлтэд оролцсон бөгөөд киног сонирхон үзсэн Британийн 200 орчим хүмүүстэй киноны төгсгөлд Монголын уламжлалт анагаах ухаан, түүний онцлогийн талаар ярилцжээ.
