Эхний өдөр 23 бие даагч мөрийн хөтөлбөрөө Үндэсний аудитын газарт хүргүүлжээ

УИХ-ын сонгуульд оролцох нам, эвсэл, бие даагчид мөрийн хөтөлбөртөө Үндэсний аудитын газарт хүргүүлж дүгнэлт гаргуулах хуулийн зохицуулалттай. Үүний дагуу өнгөрсөн сард 27 нам, хоёр эвсэл мөрийн хөтөлбөрөө ҮАГ-т хүргүүлж, дүгнэлт гаргуулаад байна.

Бие даан нэр дэвшигчдийн тухайд өчигдрөөс Үндэсний аудитын газарт мөрийн хөтөлбөрөө хүргүүлж эхэллээ. Энэ сарын 24-ны 00.00 цаг хүртэл УИХ-д бие даан нэр дэвшигчдийн мөрийн хөтөлбөрийг хүлээн авах юм. Өчигдөр буюу хамгийн эхний өдөр 23 бие даан нэр дэвшигч мөрийн хөтөлбөрөө хүргүүлжээ.