Шөнө дрифт хийж, гудамж замуудаар хурд хэтрүүлбэл хариуцлага тооцно

Зориулалтын бус яндантай дрифт хийж, гудамж замуудаар хурд хэтрүүлэн иргэдийн амгалан тайван байдлыг алдагдуулдаг тээврийн хэрэгсэл болон жолоочийн бичиг баримтыг түр хураах хүртэл арга хэмжээ авна. Мөн Авто тээврийн үндэсний төвийн оношилгоонд хамруулж, зориулалтын бус янданг хураах, зөрчлийн тухай хуулийн дагуу хариуцлага оногдуулна. Цаашид иргэдийн амгалан байдлыг хангах, хөдөлгөөний аюулгүй байдал, зам тээврийн осол, хэргээс урьдчилан сэргийлэх зорилгоор хамтарсан хяналт, шалгалтыг зохион байгуулахаар боллоо.