НИТХ-аас авто зам ашигласны төлбөрийг нэмэх эсэхийг шийдвэрлэнэ

2019-12-12 Нийслэл

 
Хотын дарга С.Амарсайхан авто зам ашигласны төлбөрийг нэмэгдүүлэх шийдвэрийг цуцалж, хуучин хэвээр нь үлдээх саналыг өнөөдөр НИТХ-д өргөн барихаар болсон байна.

Нийслэлийн ИТХ-ын ээлжит XXIX хуралдаанаар “Авто зам ашигласны төлбөрийн хувь хэмжээг тав дахин нэмэгдүүлэх шийдвэр гаргасан. Харин Ерөнхий сайдын зүгээс энэ шийдвэрээ эргэж харах чиглэл өгөөд байгаа билээ. Мөн нэр бүхий хэсэг иргэн авто зам ашигласны төлбөрийн нэмэгдлийг эсэргүүцэж төв талбайн хоёр талаар машинтай жагсаал зохион байгуулсан юм.

Хотын дарга С.Амарсайхан эсэргүүцэлтэй тулгараад буй энэ асуудлыг цуцалж, авто зам ашигласны төлбөрийг хэвээр нь үлдээх шийдвэрт хүрчээ. Гэхдээ эцсийн шийдвэрийг НИТХ-аар эцэслэх юм.

<

© 2020 newsmedia.mn. Бүх эрх хуулиар хамгаалагдсан.