Б.Найдлаа: Нөгөө л хүссэнээ дэлбэлдэг, хүсээгүйгээ орхидог акц арга л бололтой. Ийм байж болохгүй ээ… өөрчлөх ёстой

ЦЕГ-аас энэ сарын 17-ны шөнө Ноорог.мн сайтад гүйцэтгэх ажиллагаа явуулсан гэх үйл явцтай холбогдуулан УИХ-ын гишүүн Б.Найдлаа дараах байр суурийг илэрхийлжээ.

Тэрбээр “Асуудал нь хэвлэл, үг хэлэх эрх чөлөөндөө ч биш, ер нь л бүх асуудалд цагдаа, хуулийн байгууллага даргын тушаалаар хөдөлдөг хуучирсан цагдах-баривчлах-буудах гэдэг “ногоон малгайтан” арга барилд байгаа юм. Ямар нэг хууль бус зүйлийн сэжүүр байгаа л биз, гэхдээ онцлон ингэж сүржигнэж дарамтлалгүй шалгах, хэрэг үүсгэх боломжтой, бусад түмэн хэрэг ингээд л явж байгаа, зарим нь нотолгоотой байхад л шалгаагүй байж л байгаа.
Цагдаа даргад биш хуульд л захирагддаг болгох хэрэгтэй байна. Өнөөдрийн цагдаа, хүчний байгууллагын “үнэ цэнэ” нь даргад үйлчилдэг, хүсвэл ийм акц хийж чаддаг “бяр тэнхээндээ” л болчихоод байгаа юм…” гэжээ.