УОК: Хөл хориог долоодугаар сарын 15-н хүртэл сунгалаа

2020-06-30 Засгийн газар

Коронавирусийн халдвараас урьдчилан сэргийлэх зорилгоор тогтоосон онцгой дэглэмийн хугацаа өнөөдөр дуусч байгаа юм. Үүнтэй холбогдуулан Улсын онцгой комисс өнөөдөр хуралдаж хол хорионы хугацааг сунгах эсэхийг хэлэлцлээ. Улмаар ирэх долоодугаар сарын 15 хүртэл сунгахаар болсон байна.

Гэхдээ зарим үйлчилгээний байгууллагуудын үйл ажиллагааг үе шаттайгаар нээх нь зөв гэж үзжээ. Үүний дагуу нийслэлийн Онцгой комисс хуралдаж шийдвэр гаргах юм байна. Ингэхдээ нийтийг хамарсан спортын арга хэмжээ, жагсаал цуглаан, баар цэнгээний газар, PC тоглоомын газруудын үйл ажиллагааг хязгаарласан хэвээр байна гэдгийг нийслэлийн Засаг даргын орлогч Ж.Батбаясгалан хэллээ. Харин PC тоглоомоос бусад хүүхдийн тоглоомын төвүүд, кино театрын үйл ажиллагааг тодорхой дэглэмийн дагуу ажиллуулахаар хэлэлцэж буй юм.

<

© 2020 newsmedia.mn. Бүх эрх хуулиар хамгаалагдсан.