Б.Баасанжаргал хүрэл медаль хүртэж, манай жүдочид 15-р байр эзлэв

2019-07-8 Амрах агшин

Дэлхийн оюутны спортын зуны “Универсиад” XXX наадам Италийн Наполи хотод болж байна. Наадмын жүдо бөхийн тэмцээнд 55 орны баг тамирчид оролцож, шилдгүүдээ тодруулав.

Манай улсын хувьд, оюутны жүдо бөхийн төрөлд 12 тамирчны бүрэлдэхүүнтэй оролцсон. Харин өнгөрөгч амралтын өдөр болсон уг төрөлд манай тамирчид нэг хүрэл, шагналт байранд гурван тамирчин орсон байна. Харин багийн дүнгээр 15-р байр эзэллээ.

Эмэгтэйчүүдийн 63 кг-ын жинд Б.Баасанжаргал нийт зургаан барилдаан нийж, таван ялалт, нэг ялагдал авснаар хүрэл медаль хүртсэн байна. Тэрбээр энэ тэмцээний аварга Японы бөх Нана Котад хоёрдугаар тойрогт ялагдсан ч Румын, Макао, Франц, Украйн, Чехийн тамирчдыг дараалан ялж, “Универсиад”-ын медальтан боллоо.

Монголын багийн тугч, энэ оны Азийн аварга Ц.Цогтбаатар шагналт тавдугаар байр эзлэв. Тэрбээр 73 кг-ын жингийн хагас шигшээд үлдсэн ч Азербайжан, БНАСАУ-ын бөхөд ялагдан медальгүй хоцорлоо.

“Универсиад”-ад Монголын баг тамирчид долоон төрлөөр (жүдо, таэквондо, буудлага, байт харваа, усанд сэлэлт, теннис, ширээний теннис) оролцож байгаагаас одоогийн байдлаар нэг хүрэл медаль хүртсэн амжилтаар 118 орноос 32-р байрт бичигдэж байна.

Италийн Наполи хотод болж буй Дэлхийн оюутны спортын зуны “Универсиад” XXX наадам долдугаар сарын 14-д өндөрлөнө. Наадмын мэдээллийг

Home


http://www.fisu.net
www.livefisu.tv сувгаар шууд үзэж болно. Мөн олон улсын олимпийн хорооны www.olympicchannel.com сайтаар дамжуулж байна.

<

Захын хороолол

11 цагийн өмнө

© 2019 newsmedia.mn. Бүх эрх хуулиар хамгаалагдсан.