Ерөнхийлөгч зөвшилцөх бичигт хариу өгчээ

2018-12-4 Ерөнхийлөгч

Ерөнхий сайд У.Хүрэлсүхийн  Ерөнхийлөгч Х.Баттулгад хүргүүлсэн хоёр сайдын талаарх зөвшилцөх албан бичгийн хариу иржээ.

ЗТХ-ийн сайд Я.Содбаатар ЖДҮХС-тай холбогдсон тул ёсзүйн хариуцлагаа хүлээж, өөрийн хүсэлтээ чөлөөлөгдөх хүсэлтээ өгсөн. Харин БСШУС-ын сайд Ц.Цогзолмааг кабинетийн зарчмаар ажиллаж чадаагүй, Засгийн газрын тухай хууль зөрчсөн хэмээн үзэж, үүрэгт ажлаас нь чөлөөлөхөөр болоод байгаа билээ. Харин  Ерөнхийлөгч Х.Баттулга тус зөвшилцөх саналын тухай албан бичигт “Монгол Улсын Засгийн газрын гишүүн-Боловсрол, соёл, шинжлэх ухаан, спортын сайд Цэдэнбалын Цогзолмааг Засгийн газрын тухай хуулийн 17 дугаар зүйлийн 3, 24 дүгээр зүйлийн 4 дэх хэсэгт заасныг тус тус зөрчсөн гэж үзэж, үүрэгт ажлаас нь огцруулах асуудлыг зөвшилцөхөөр ирүүлсэн Таны 2018 оны 12 дугаар сарын 03-ны өдрийн ЗГ-1/198 дугаартай албан бичгийг хүлээн авч холбогдох материалуудтай танилцлаа.  Уг асуудлыг Монгол Улсын Үндсэн хуулийн Гучин есдүгээр зүйлийн 2 дахь хэсэг, Монгол Улсын Засгийн газрын тухай хуулийн 23 дугаар зүйлийн 1 дэх хэсгийн 1 дэх заалтад заасны дагуу Улсын Их Хуралд өргөн мэдүүлж хэлэлцүүлэх нь зүйтэй байна” гэжээ.

Мөн “Монгол Улсын Засгийн газрын гишүүн-Зам, тээврийн хөгжлийн сайд Янгугийн Содбаатарыг хүсэлтийнх нь дагуу үүрэгт ажлаас нь чөлөөлөх асуудлыг зөвшилцөхөөр ирүүлсэн Таны 2018 оны 12 дугаар сарын 03-ны өдрийн ЗГ-1/197 дугаартай албан бичгийг хүлээн авч холбогдох материалуудтай танилцлаа.

Уг асуудлыг Монгол Улсын Үндсэн хуулийн Гучин есдүгээр зүйлийн 2 дахь хэсэг, Монгол Улсын Засгийн газрын тухай хуулийн 23 дугаар зүйлийн 1 дэх хэсгийн 1 дэх заалтад заасны дагуу Улсын Их Хуралд өргөн мэдүүлж хэлэлцүүлэх нь зүйтэй байна” гэжээ.

 

 

© 2017 newsmedia.mn. Бүх эрх хуулиар хамгаалагдсан.